Quen participa no voluntariado dixital é un internauta capaz de axudar, cos seus coñecementos, entusiasmo e solidariedade, á alfabetización dixital, en especial, a colectivos nos que a fenda dixital se fai máis evidente, sen recibir compensación económica a cambio.
Cal é o seu labor?
- Complementar as accións de alfabetización dixital desenvolvidas polos diferentes axentes que conforman a rede na nosa comunidade
- Chegar aos sectores que descoñecen os beneficios da tecnoloxía, ensinarlles as oportunidades que lles ofrece esta forma de comunicación e contribuír así a mellorar a súa calidade de vida
- Detectar as necesidades das persoas participantes e traducilas en posibilidades
- Compartir os seus coñecementos tecnolóxicos coas persoas usuarias do proxecto
Cal é o seu perfil?
- Coñecementos técnicos medios en informática
- Habilidades sociais, de mobilización e transmisión de coñecemento e información
- Gañas de compartir o seu tempo e os seus coñecementos
- Persoas maiores de 18 anos
Como poden facer os labores de voluntariado dixital?
- Voluntariado presencial
- Voluntariado virtual