Impulsada pola Axencia para a Modernización Tecnolóxica de Galicia e/ou en colaboración con outros organismos.
Actividade lúdico-formativa onde rapaces e rapazas, pais, nais e docentes poderán achegarse á programación coa tecnoloxía Scratch.
Obxectivos:
Espertar e fomentar as vocacións no ámbito STEAM desde idades temperás, impartindo e difundido os valores e nocións de programación informática na contorna familiar e académica a través de actividades prácticas, sen necesidade de coñecemento profundo en linguaxes de programación.
En qué consiste:
Nova edición do Scratch Day, unha iniciativa que achega dun xeito lúdico e práctico a linguaxe de programación Scratch aos máis novos e novas, co obxectivo de espertar e impulsar as vocacións científico-tecnolóxicas na infancia e a adolescencia.
O Scratch Day configúrase como unha xornada intensiva de carácter dinámico e interactivo, orientada a divulgar os valores da programación informática entre rapaces e rapazas de 7 a 15 anos e as súas familias, así como docentes interesados en incorporar o Scratch á contorna académica para incentivar e fomentar a creatividade, a motivación, a autonomía e a capacidade de resolución de problemas dende a escola.
Esta actividade encádrase no convenio de colaboración entre o Colexio Profesional de Enxeñaría Técnica en Informática de Galicia (CPETIG) e a Amtega.
As xornadas terán lugar nas aulas CeMIT de Tui (20 de setembro); Guitiriz (27 de setembro), A Coruña (04 de outubro) e Cuntis (4 de outubro). Adicionalmente, celebrase unha xornada na sala Eisenman da Cidade da Cultura o 18 de outubro.
Nenos e nenas de 7 a 15 anos, pais, nais e docentes